Oes bedrief

Aj an Aajee denkt, dan hej een echt Drèents bedrief veur ogen. Veul wol en bar weinig geschreeuw. Wij doet waw belooft. Wij doet gewoon, maor wij doet niks op de automatische piloot.

Aj verslag met mekaar hebt, dan gebeurt er wat. Maor hoe en wat en waormet? Nou, daor kuj Aajee veur inschakeln. In goed overleg met oeze opdrachtgevers bedenkt en ontwikkelt Aajee creatieve dinger en loze marketingplannen. Het belangriekste doel is um mèensen en markten in beweging te brengen; de kaant oet diej geern wilt en op het juuste moment. Wij doet van alles: mediacampagnes, huusstijlen, belettering, alle soorten en maoten drukwark, (audio)visuele producties, websteden, relatiekedogies, maor under andern ok beursstands, biezundere post en tiedschriften. Niks is vrumd veur oes en wij ziet alles as een uutdaging. Dat doew al sinds 1973.

Aajee gef zien klanten goed denkwerk en beste hoeveulheid warklust. De plannen en ideeën die aw hebt, beproot wij in een vrog stadium met oeze opdrachtgevers. Het is ja gewoon zo, daj de beste dinger samen doet. Niet allén staoj der dan allemaol achter, maor goeie samenwarking zörgt der ok veur dat bij elkenien het beste naor boven komt. Wij zet goeie ideeën um in warkbare campagnes; dat is belangriek. Dat doe wij volgens de ofspraken diew maakt hebt en binnen de bedragen die ofproot bint. Helder en dudelijk!